أخبار عاجلة
الرئيسية / اخبار / الرئيس السيسي: «والله العظيم أنا مش هاسيب لإبنى جنيه ولا لنفسى »

الرئيس السيسي: «والله العظيم أنا مش هاسيب لإبنى جنيه ولا لنفسى »

امل كمال

قال الرئيس عبد الفتاح السيسي،”ياريت الناس تفتكر أنى مش ضد حد .. لا والله.. أنا ضد الفوضى والإهمال واللا دولة، وكل الناس في مصر أهلي وإخواتى، إنما الناس بتعمل اللى هى عايزاه ود لا يليق بمصر، ومش هنسيب حد ياخد حاجة مش بتاعته” وتابع معلقا، «والله العظيم أنا مش هاسيب لابني جنيه ولا لنفسي، وده معناه أنا عارف كويس أوى أن اللي بياخد حاجة من الاستيلاء وغيره حرام، ولابد من إيقاف الهدر، وعدم الانضباط » .

وأضاف «الرئيس السيسي» خلال حضوره افتتاح مشروع الصوب الزراعية بقاعدة محمد نجيب العسكرية اليوم السبت :» امال احنا قاعدين نعمل إيه، وأرجو موضوع كنج مريوط ده يخلص، أنا شوفت في الطيارة وأنا جاي مزارع سمكية، ودي مزارع حد يقولى حجم المزارع قد إيه والعائد منها قد أيه، وبقول على كل المزارع السمكية.. لما كامل الوزير قال نوسع محور 26 يوليو قولتله في محور تأنى اسمه أم زغاوى، قولته نعمل المحور ده ونعمل محور تاني ينهى التعدي على بحيرة كنج مريوط، ومعناه أن موضوع تقنين أراضى اللى اتاخدت من كنج مريوط يخلص».

وتابع السيسي قائلا :« مش هنعمل مزارع سمك في البحيرات، ولازم المياه تكون نظيفة، هرجع بحيرات مصر تأنى زي ما كانت طيب، والناس اللي موجودة هناك قولت يتعرض عليا الموضوع، ولا يقنن الوضع إلا بعد العرض عليا، ثم يتعمل المحور، ويقطع الحد الخلفي للتعدي الموجود على البحيرة» .

شاهد أيضاً

تفاصيل اجتماع السيسي مع رئيس مجلس الوزراء، محافظ البنك المركزي، ووزير المالية

امل كمال اجتمع الرئيس عبد الفتاح السيسي اليوم مع كل من الدكتور مصطفى مدبولي رئيس …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Visit Us On TwitterVisit Us On Youtube
التخطي إلى شريط الأدوات